ღონისძიებას ესწრებოდნენ BCAGC-ს პირველი ვიცე პრეზიდენტი, დავით ცირდავა და ბიზნესპალატის “საგზაო მოძრაობის უსაფრთხოებისა და საავტომობილო ინდუსტრიის კომიტეტის” თავმჯდომარე და “მათე მოტორსის” დამფუძნებელი, გელა ბარკალაია.

შეხვედრაზე მთავარი გამომსვლელის რანგში ეკონომიკისა და მდგრადი განვითარების მინისტრის მოადგილე, გურამ გურამიშვილი იყო, ხოლო ეკონომიკის სამინისტრო წარმომადგენელმა დამსწრე საზოგადოებას “საქართველოს 2023-2030 წლების ტრანსპორტის და ლოგისტიკის ეროვნული სტრატეგიის“ პრეზენტაცია წარუდგინა, რომელიც წარიმართა კერძო სექტორთან საგნობრივი განხილვითა და თემაზე პროფესიული მსჯელობით.

მადლობას ვუხდით EUGBC-ს შედეგზე ფოკუსირებული და დაინტერესებული ყველა მხარის თანამონაწილეობით გამართული შეხვედრისთვის.