ქართული კუთხის კიდევ ერთ დამაჯერებელ წარმატებად შეგვიძლია წარმოვაჩინოთ ქუვეითის უმსხვილესი ქსელური მარკეტის Soultan Center ყურადღების შეჩერება გამოფენაზე ქართულ ნაწარმთან, რომელი ინტერესიც, მხარეთა მხრიდან სურვილით, საქმიან მოლპარაკებაში გადაიზარდა.

აღნიშნული გარემოების შესაბამისად, BCAGC-ს გუნდმა კონსტრუქციული და მიზანმიმართული შეხვედრა გამართა Soultan Center-ის წარმომადგენლებთან: უცხოეთის ქვეყნებში კომერციული კატეგორიის მენეჯერთან, ახალი საკვების კატეგორიის მენეჯერსა და კატეგორიის მენეჯერთან.

მოხარული ვართ, რომ შეხვედრას ასევე დაესწრნენ და მოლაპრაკებების ეფექტურობაში მნიშვნელოვანი წვლილი შეიტანეს ქუვეითში საქართველოს ელჩმა მისი აღმატებულება ნოშრევან ლომთათიძემ და პირველმა მდივანმა, ლუკა შიუკაშვილმა.

საუბარი შეეხო სამომავლო ურთიერთთანამშრომლობის საკითხებს, რომლის ფარგლებშიც განიხილეს ქართული წარმოების ნიშანდობლივი მახასიათებლები, აგრო პროდუქტისა და ხორცის მიწოდების მთავარი საკითხები.

მოლპარაკებები კვლავ აქტიურად მიმდინარეობს სამომავლო თანამშრომლობის აქცენტებზე და ლოჯისტიკურ ორგანიზებაზე. ვიმედოვნებთ, კონკრეტულ, სასარგებლო შედეგებს ჩვენი მეწარმეების სასიკეთოდ.