დუბაის ფორუმის ფარგლებში ბიზნესპალატის დელეგაციამ არაერთი ღირებული და საქმიანი შეხვედრა გამართა. აღსანიშნია შეხვედრა Dubai Chambers-ის პრეზიდენტ, მუჰამედ ალი რაშიდ ლუტაჰთან. დიალოგი ფოკუსირებული იყო ურთიერთთანამშრომლობის პერსეპქტივებსა და მოლოდინებზე. საუბრის დასასრულს კი ბიზნესპალატის პირველმა ვიცე პრეზიდენტმა მას არაბულ ენაზე ნათარგმნი მინიატურული ვეფხისტყაოსანი უსახსოვრა.

მნიშვნელოვანი საუბარი შედგა Dubai Chambers-ის რეგიონალურ დირექტორთან – ახლო აღმოსავლეთსა და დსთ-ში, აბდულლა ბაქერსთან, რა დროსაც ყურადღება გამახვილდა ქართული წარმოების მიმოხილვასა და საექსპორტო პოტენციალის შეფასებაზე.

ამასთან ერთად, ურთიერთშორის საქმიანი დამოკიდებულების ფართო სპექტრი იყო განხილვის საგანი MD Vault Investments-ის თავმდჯომარესა და მმართველ დირექტორთან, სულთან ალი რაშედ ლუტაჰთან.

ასევე, ბიზნესპალატის დელეგაციამ, ორმხრივი ურთიერთთანამშრომლობის მიზნით, საყურადღებო შეხვედრები გამართა სხვადასხვა ოფიციალურ პირებთან: მათ შორის:

აზერბაიჯანში Dubai Chamber-ის წარმომადგენლობის ხელმძღვანელთან-სანან მამმად ნასიბლისთან

ინდური კომპანიის KONKAN FINANCIAL CAPITAL { FINCAP } LTD. NBFC დირექტორთან აჯაი ტამბესთან,

ბანგლადეშის სახალხო რესპუბლიკის გენერალური საკონსულოს კომერციულ მრჩეველთან, აშიშ კუმარ სარკართან,

“კენიის ეროვნული სავაჭრო-სამრეწველო პალატის” პრეზიდენტთან,ბატონ რუტტო კ. ერიკთან, კენიის ეროვნული სავაჭრო და სამრეწველო პალატის წევრთა მოზიდვისა და სერვისების დეპარტამენტის ხელმძღვანელთან, ჯეიმს კიტავისთან,

კენიის ეროვნული სავაჭრო და სამრეწველო პალატის ვიცე-პრეზიდენტთან, მუსტაფა რამადანისთან, Dubai Chambers-ის მთავარ წარმომადგენელთან სინგაპურში, ლეონარდ ტანგაველუსთან,

BUH Consulting-ის მმართველ დირექტორთან,სემ ს. ჰონგისთან,

აზერბაიჯანის გადამზიდავი კომპანია Optimal Logistics Group-ის აღმასრულებიელ დირექტორთან, სამირ ისმაილოვისთან,

Dubai Chambers-ის რეგიონულ დირექტორთან- აფრიკაში,ხალიდ ალ ალისთან, საინვესტიციო კომპანია VAULT INVESTMENTS-ის ბიზნეს განვითარების ოფიცერ, იერჟან ნაუშასთან.

მოხარულები ვართ, რომ ბიზნესპალატა კვლავ აქტიურად განაგრძობს საქმიანი კავშირების შეძენას, წევრი კომპანიების გაფართოებას და ახალი პარტნიორების მოკრებას საერთო ღირებულებების ირგვლივ.